Dirprwy Gyfarwyddwr, TAR (Cymru) (Cardiff, ENG, GB, CF10 1AP)

<h2>Dirprwy Gyfarwyddwr, TAR (Cymru) (Cardiff, ENG, GB, CF10 1AP) </h2><p><p ><p ><H2 no-style="font-size:1.0em;margin:0.0px"><b>Newid eich gyrfa, newid bywydau </b> </H2> </p><p><p><p>Y Brifysgol Agored yw prifysgol fwyaf y DU, ac mae'n arweinydd llwyddiannus mewn addysg ran-amser hyblyg, gan gyfuno cenhadaeth i ehangu mynediad at addysg uwch â rhagoriaeth ym maes ymchwil, gan drawsnewid bywydau drwy addysg. Dysgwch fwy amdanom ni a'n cenhadaeth drwy wylio'r <strong><a title="" >fideo byr </a> </strong>  hwn (bydd clicio ar y ddolen hon yn mynd â chi i wefan YouTube). </p> </p> </p> </p><p ><p ><H2 no-style="font-size:1.0em;margin:0.0px"><b>Y Rôl </b> </H2> </p><p><p>Mae Dirprwy Gyfarwyddwr TAR (Cymru) yn darparu arweinyddiaeth academaidd a gweithredol uwch ar gyfer y rhaglen TAR, gan weithio mewn partneriaeth agos â Chyfarwyddwr y rhaglen TAR. Mae'r rôl yn arddel cyfrifoldeb dirprwyedig am arweinyddiaeth strategol, cynllunio'r cwricwlwm, ansawdd academaidd, trefniadau partneriaeth, a chydymffurfiaeth reoliadol ar draws rhaglen Addysg Gychwynnol i Athrawon gymhleth, ddwyieithog ac aml-bartner. </p><p>Mae hon yn swydd arweinyddiaeth academaidd uwch sy'n cyfateb i lefel Uwch-ddarlithydd (Addysgu ac Ysgolheictod) ar lefel AC4, gan gyfuno arweinyddiaeth y rhaglen ag addysgu, ymchwil ac ysgolheictod, arloesedd cwricwlaidd, ac ymgysylltu academaidd allanol. Mae deiliad y swydd yn sicrhau cydlyniant, ansawdd a gwelliant parhaus wrth ddarparu'r rhaglen, yn unol â'r Cwricwlwm i Gymru, gofynion SAC, trefniadau llywodraethu academaidd Y Brifysgol Agored, ynghyd â rheoleiddwyr allanol, gan gynnwys Cyngor y Gweithlu Addysg ac Estyn.  </p><p>Mae'r Dirprwy Gyfarwyddwr yn cyfrannu at ddatblygiad strategol Addysg Gychwynnol i Athrawon yn Y Brifysgol Agored yng Nghymru ac yn chwarae rhan weithredol mewn trafodaethau cenedlaethol ac ar draws y sector ynghylch addysg athrawon, polisi a datblygu'r gweithlu.   </p><p>Mae'r TAR yn Y Brifysgol Agored yng Nghymru yn cynnig llwybr hyblyg i'r proffesiwn addysgu, sydd o bwys cenedlaethol. Mae'n cyfuno dysgu ar-lein, addysgu byw a lleoliadau mewn ysgolion, gan arwain at Statws Athro Cymwysedig (SAC). Caiff y rhaglen ei darparu ar draws pob awdurdod lleol yng Nghymru drwy bartneriaeth helaeth o ysgolion, mentoriaid a staff prifysgolion, mae ar gael yn Gymraeg ac yn Saesneg, ac mae'n chwarae rhan ganolog wrth ehangu mynediad i'r proffesiwn, cryfhau amrywiaeth y gweithlu, a chefnogi blaenoriaethau cenedlaethol, gan gynnwys addysg cyfrwng Cymraeg a recriwtio ar gyfer pynciau lle mae prinder. </p> </p> </p><p ><p ><H2 no-style="font-size:1.0em;margin:0.0px"><b>Cyfrifoldebau Allweddol </b> </H2> </p><p><ul type="disc"><li>Darparu arweinyddiaeth academaidd, goruchwylio'r cwricwlwm, ymgysylltu â phartneriaethau, cymorth o ran cydymffurfiaeth reoliadol, ac addysgu. </li><li>Darparu arweinyddiaeth academaidd uwch ar draws y rhaglen TAR, gan gefnogi'r Cyfarwyddwr o ran datblygiad strategol, goruchwylio'r ddarpariaeth, a gwelliant parhaus.   </li><li>Cymryd rhan flaenllaw yn y gwaith o gynllunio, datblygu, adolygu a gwella modiwlau a'r cwricwlwm ar lefel y rhaglen, gan gynnwys darpariaeth newydd lle bo angen.  </li><li>Arwain y ddarpariaeth weithredol ym mhob rhan o dîm y cwricwlwm, gan sicrhau gweithredu cyson o ansawdd uchel ar draws holl lwybrau'r rhaglen. </li><li>Datblygu a chymhwyso dulliau arloesol, sy'n seiliedig ar dystiolaeth, ar gyfer addysgu, dysgu ac asesu o fewn model AGA dysgu cyfunol a dysgu o bell.  </li><li>Sicrhau bod y gwaith o gynllunio a chyflawni'r cwricwlwm yn cyd-fynd â'r Cwricwlwm i Gymru, gofynion SAC, a safonau llywodraethu academaidd Y Brifysgol Agored.  </li><li>Goruchwylio'r gwaith o gynllunio asesiadau, prosesau cymedroli, safoni a sicrhau ansawdd er mwyn sicrhau tegwch, cysondeb ac uniondeb academaidd.  </li><li>Arwain a chefnogi'r Tiwtoriaid Cwricwlwm, gan gynnwys dyrannu llwyth gwaith, rheoli perfformiad a datblygiad proffesiynol. </li><li>Darparu trefniadau goruchwylio uwch ar gyfer partneriaethau ysgolion ledled Cymru, gan sicrhau cysondeb, ansawdd a thegwch o ran profiadau dysgu ar leoliad. </li><li>Arwain y gwaith o ddatblygu, hyfforddi a sicrhau ansawdd mentoriaid a thiwtoriaid ymarfer ym mhob rhan o system y bartneriaeth.  </li><li>Sicrhau cydymffurfiaeth gadarn â fframweithiau rheoliadol, gan gynnwys gofynion Cyngor y Gweithlu Addysg, disgwyliadau Estyn, a pholisi AGA Llywodraeth Cymru. </li><li>Cyfrannu at y gwaith o gynllunio busnes, dyrannu adnoddau, a sicrhau cynaliadwyedd ariannol y rhaglen.  </li><li>Arwain prosesau gwella parhaus a gwella ansawdd, gan gynnwys monitro systematig, gwerthuso a chynllunio camau gweithredu. </li><li>Goruchwylio profiad academaidd myfyrwyr, gan sicrhau tegwch, cysondeb ac uniondeb wrth wneud penderfyniadau ynghylch asesu a chynnydd. </li><li>Cyfrannu at ehangu cyfranogiad, cynhwysiant, a chanlyniadau gwell ar draws carfannau amrywiol o fyfyrwyr. </li><li>Ymgymryd â gwaith cynllunio gweithredol effeithiol ar draws blaenoriaethau croes mewn amgylchedd rhaglen gymhleth a gwasgaredig.  </li> </ul> </p> </p><p ><p ><H2 no-style="font-size:1.0em;margin:0.0px"><b>Amdanoch Chi </b> </H2> </p><p><p><strong>Meini prawf hanfodol: </strong> </p><ul><li>Gradd anrhydedd a chymhwyster ôl-raddedig mewn addysg neu faes cysylltiedig (lefel Meistr o leiaf;  PhD yn ddymunol). Bydd rhaid i ymgeiswyr ar lefel gradd Meistr ddangos ymrwymiad i ymgymryd â Doethuriaeth mewn Addysg (EdD) yn Y Brifysgol Agored. </li><li>Statws Athro Cymwysedig (SAC). </li><li>Gwybodaeth fanwl ac arbenigedd cydnabyddedig mewn Addysg Gychwynnol i Athrawon a system addysg Cymru, gan gynnwys y Cwricwlwm i Gymru a'r cyd-destun polisi cyfredol.  </li><li>Profiad sylweddol o arweinyddiaeth ym maes Addysg Gychwynnol i Athrawon, datblygu athrawon, neu faes cysylltiedig agos.  </li><li>Gallu amlwg i gynllunio, cyflwyno ac adolygu'r cwricwlwm neu fodiwlau mewn cyd-destunau addysg uwch neu addysg broffesiynol. </li><li>Profiad o ddefnyddio technolegau digidol i wella prosesau addysgu, dysgu, asesu a chyflwyno rhaglenni. </li><li>Tystiolaeth o ymgysylltu ag ymchwil addysgol, ymholiadau ymarferwyr, neu weithgarwch ysgolheigaidd sy'n berthnasol i addysg athrawon.  </li><li>Sgiliau cyfathrebu a dylanwadu cryf, ynghyd â'r gallu i rannu syniadau academaidd, addysgegol a rheoliadol cymhleth â chynulleidfaoedd amrywiol. </li><li>Y gallu i gyflawni'r rôl mewn modd sy'n gyson â deddfwriaeth cydraddoldeb a pholisïau'r Brifysgol. </li><li>Y gallu a'r parodrwydd i deithio ledled Cymru ac i weithio'n rheolaidd o swyddfa Caerdydd, gan dreulio mwy na 50% o'r amser dan y contract yng Nghymru.  </li> </ul><p><strong>Meini prawf dymunol: </strong> </p><ul><li>Yn rhugl yn y Gymraeg (ar lafar ac yn ysgrifenedig) neu brofiad o weithio mewn amgylchedd dwyieithog.  </li><li>Profiad o weithio gyda fframweithiau arolygu, achredu neu reoleiddio (e.e. Estyn, CGA neu gyrff tebyg). </li><li>Profiad o weithio ym maes addysg gychwynnol i athrawon, rhaglenni proffesiynol neu ddarpariaeth sy'n seiliedig ar bartneriaethau. </li><li>Profiad o gyfrannu at neu arwain ymchwil addysgol, cyhoeddiadau neu gyflwyniadau mewn cynadleddau.  </li><li>Profiad o arwain neu gyfrannu at weithgarwch gwella prosesau neu newid sefydliadol. </li><li>Cymhwyster neu gydnabyddiaeth addysgu Addysg Uwch (e.e. Cymrodoriaeth Advance HE neu gyfwerth). </li> </ul> </p> </p><p ><p ><H2 no-style="font-size:1.0em;margin:0.0px"><b>Cymorth gyda'ch cais </b> </H2> </p><p><p><p>Os bydd gennych unrhyw gwestiynau, neu os bydd angen cymorth neu addasiadau arnoch mewn perthynas â'ch cais, y broses recriwtio, neu'r rôl, cysylltwch â ni drwy ffonio neu e-bostio gan ddyfynnu rhif cyfeirnod yr hysbyseb. </p><p>Noder y gallwch wneud cais yn y Gymraeg ac na fyddai cais Cymraeg yn cael ei drin yn llai ffafriol. Bydd ymgeiswyr sy'n cael eu gwahodd i gyfweliad hefyd yn gallu defnyddio'r Gymraeg yn y cyfweliad. </p> </p> </p> </p><p ><p ><H2 no-style="font-size:1.0em;margin:0.0px"><b>Beth yw'r buddion i chi? </b> </H2> </p><p><p><p>Yn Y Brifysgol Agored, rydym yn cynnig amrywiaeth o fuddiannau i gydnabod a gwobrwyo gwaith da, ochr yn ochr â pholisïau a threfniadau gweithio hyblyg sy'n cyfrannu at gydbwysedd da rhwng bywyd a gwaith.  Gallwch gael manylion am y buddion rydym yn eu cynnig drwy ymweld â'n tudalen <strong><a >Buddiannau Staff </a> </strong> (bydd clicio ar y ddolen hon yn agor ffenestr newydd). </p> </p> </p> </p><p ><p ><H2 no-style="font-size:1.0em;margin:0.0px"><b>Trefniadau Gweithio Hyblyg </b> </H2> </p><p><p><p>Rydym yn agored i drafod trefniadau gweithio hyblyg. Boed hynny'n drefniant rhannu swydd, rhan-amser, oriau cywasgedig neu'n drefniant gweithio arall. Cysylltwch â ni er mwyn trafod yr hyn sy'n gweithio orau i chi. </p><p><strong>Lleoliad Gweithio: </strong>Disgwylir y gellir sefydlu patrwm gweithio hybrid ar gyfer y rôl hon, lle gall yr ymgeisydd llwyddiannus weithio gartref ac o'r swyddfa. Fodd bynnag, gan fod y rôl hon wedi'i lleoli yn ôl y contract yn ein Swyddfa yng Nghaerdydd, disgwylir y bydd presenoldeb yn y swyddfa yn ofynnol pan fo angen ac mewn ymateb i anghenion busnes. Byddem yn disgwyl y bydd hyn tua deuddydd y mis.  Cefnogir gweithio llawnamser yn ein safle yng Nghaerdydd hefyd os byddai hynny'n well gan yr ymgeisydd. Ni chaiff treuliau sy'n gysylltiedig â theithio i'n safle yng Nghaerdydd eu had-dalu. </p><p>Disgwylir i ddeiliad y swydd hefyd deithio ledled Cymru i fynd i gyfarfodydd partneriaeth, cyfarfodydd llywodraethu a chyfarfodydd â rhanddeiliaid. </p> </p> </p> </p><p ><p ><H2 no-style="font-size:1.0em;margin:0.0px"><b>Camau nesaf yn y broses Recriwtio </b> </H2> </p><p><p>Mae dyddiadau cyfweliadau i'w cadarnhau. </p> </p> </p><p ><p ><H2 no-style="font-size:1.0em;margin:0.0px"><b>Hysbysiad dyddiad cau cynnar </b> </H2> </p><p><p>Er y bydd y rhan fwyaf o'r rolau yn parhau ar agor tan y dyddiad cau a hysbysebir, gall ceisiadau gael eu hadolygu yn barhaus. Mewn rhai achosion, gall swyddi gwag gau yn gynharach pe bai nifer digonol o geisiadau addas wedi dod i law ac mae'r effeithiau ar gydraddoldeb wedi cael eu hystyried yn briodol. Bydd yr holl rolau yn parhau i gael eu hysbysebu am o leiaf un wythnos cyn iddynt gael eu cau yn gynnar. </p><p>Os ydych wedi dechrau cais neu yn y broses o wneud cais pan gaeodd yr hysbyseb, rydym yn eich annog i gysylltu â ni. Rydym yn ymrwymedig i ddeall amgylchiadau unigol ac yn gallu cynnig cymorth ychwanegol lle y bo angen, gan gynnwys addasiadau rhesymol ar gyfer ymgeiswyr sydd â nodweddion gwarchodedig. </p> </p> </p><p ><p ><H2 no-style="font-size:1.0em;margin:0.0px"><b>Sut i wneud cais </b> </H2> </p><p><p><strong>I wneud cais am y rôl hon, dylech gyflwyno'r ddogfen/dogfennau canlynol: </strong> </p><ul><li>CV </li><li>Datganiad Ategol hyd at 1,000 o eiriau. Yn eich datganiad, dylech egluro pam mae gennych ddiddordeb yn y rôl, gan nodi enghreifftiau lle mae eich sgiliau a'ch profiadau yn cyfateb i feini prawf hanfodol y rôl hon fel y nodir uchod.  </li> </ul><p><br>Gallwch weld hynt eich cais a gohebiaeth yn ymwneud ag ef pan fyddwch wedi mewngofnodi i'n system recriwtio.  Edrychwch yn eich ffolderi sbam/sothach os na fyddwch wedi cael diweddariadau cysylltiedig drwy e-bost. </p> </p> </p> </p>